“SMS Taxallus” xizmatidan foydalanish

Xizmat faollashtirilgandan so‘ng, sizning yuborgan SMS xabaringizni qabul qiluvchi abonent raqamingiz yoki mobil telefon xotirasidagi ro‘yxatda saqlangan nomingiz o‘rniga siz o‘rnatgan taxallusni ko‘radi. Siz o‘z taxallusingizni o‘rnatish uchun 327 raqamiga SMS yuborishingiz lozim. Taxallusda faqat lotin alifbosidagi harflar va belgilardan foydalanish mumkin hamda taxallus uzunligi 11 belgidan oshmasligi lozim. Xizmat faollashtirilgandan so‘ng, sizning yuborgan SMS xabaringizni qabul qiluvchi abonent raqamingiz yoki mobil telefon xotirasidagi ro‘yxatda saqlangan nomingiz o‘rniga siz o‘rnatgan taxallusni ko‘radi. Taxallusdagi barcha belgilar (harflar ham) kichik registr orqali terilishi kerak (kichkina harflar bilan). Taxallus oʻz oʻrnida unikal (takrorlanmas) boʻlib, bir necha Ucell abonentlari bir xil taxallusni o‘rnata olmaydilar.

Ushbu xizmat barcha abonentlar uchun taqdim etiladi va Perfectum Mobiledan tashqari O‘zbekistonning barcha uyali aloqa operatorlari abonentlariga yuborilgan SMS uchun amal qiladi.

• Jismoniy shaxs O‘zbekiston Respublikasining tegishli ro‘yxatga oluvchi organlarida rasmiy  ro‘yxatdan o‘tgan yuridik va tijorat tashkilotlar, kompaniyalar, korxonalar nomini, hamda hammaga ma’lum bo‘lgan ularning qisqartmalarini taxallus sifatida qo‘llashi taqiqlanadi;
• Agar yuridik shaxs yoki tijorat tashkilotining nomini taxallus sifatida ishlatish zaruriyati tug‘ilsa, yozma ravishda uning qonuniyligini tasdiqlovchi kerakli barcha hujjatlarni taqdim etgan holda, Kompaniyaga murojaat etishi lozim;
• Kompaniya quyidagilarni ma’lum qiladi: bordiyu uchinchi tomondan taxallusdan foydalanish noqonuniy yo‘l bilan amalga oshirilayotganligi haqida ("SMS Taxallus" xizmati doirasida) Kompaniyaga shikoyat arizasi kelib tushgan hollarda, ushbu abonent raqami qaysi abonent nomiga rasmiylashtirilgan bo‘lsa, barcha javobgarliklar (jumladan ma’muriy yoki jinoiy) shu abonentga yuklatiladi. Abonent tomonidan mazkur xizmatning suiste’mol qilinishi holatida jabrlanuvchilar qonunchilikda o‘rnatilgan tartibda O‘zbekiston Respublikasi huquqni muhofaza qilish idoralariga murojaat etishlari mumkin;
• Qo‘pol yoki ma’naviy va ahloq normalariga mos bo‘lmagan so‘zlardan foydalangan taxalluslarni Kompaniya (sababini ko‘rsatmagan holda) o‘chirib tashlash huquqiga ega. Bunda abonent SMS orqali habardor etiladi;
• "SMS Taxallus" xizmatidan foydalanayotgan abonentlardan tarkibida qabul qiluvchining hayoti va sog‘lig‘iga nisbatan xavf, tovlamachilik, firibgarlik va boshqa g‘ayrihuquqiy harakatlar, shuningdek, davlat tuzumini qo‘porishga yo‘naltirilgan, ekstremistik xarakterdagi matnlar  saqlovchi SMS-xabar olingan hollarda, Kompaniya bunday xabar yuborgan abonent raqami haqidagi ma’lumotni (shaxsiy ma’lumotlarsiz) abonentga taqdim etish huquqiga ega.